ABŞ-ın müvafiq orqanlarının qərarı ilə adları siyahıya salınmış iranlı hakimlərə viza məhdudiyyəti tətbiq olunacaq.
ABŞ Maliyyə Nazirliyinin yazılı açıqlamasında Abdülhaşim Sələvati və Məhəmməd Moqisseh adlı iki hakimin sanksiya siyahısına daxil edildiyi bildirilib.
Bu hakimlər İranda baş vermiş son etiraz aksiyaları zamanı saxlanılan etirazçılar haqqında ədalətsiz qərar çıxarmaqda günahlandırılıblar. Sənəddə ifadə və sərbəst toplaşmaq haqqından istifadə etmiş İran vətəndaşlarını, eləcə də əcnəbiləri cəzalandırmaları səbəb göstərilib.
ABŞ Dövlət Katibi Mayk Pompeo açıqlamasında Maliyyə Nazirliyinin qərarını yüksək qiymətləndirib.