Bu il Bakı məktəblərində fəaliyyət göstərən 288 nəfər təhsil işçisi təltif edilib


 Bu il Bakı məktəblərində fəaliyyət göstərən 288 nəfər təhsil işçisi təltif edilib

2019-cu təqvim ilində Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində fəaliyyət göstərən 288 nəfər təhsil işçisi təltif edilib.

İdarədən “Report”a verilən məlumata görə, ölkə Prezidentinin sərəncamlarına əsasən, təhsilin inkişafında xüsusi xidmətlərinə görə 8 müəllim “Tərəqqi” medalına, 14 müəllim “Əməkdar müəllim” fəxri adına layiq görülüb.

Həmçinin gənc nəslin təlim-tərbiyəsi sahəsində yüksək nailiyyətlər əldə etdiklərinə görə 16 müəllim “Azərbaycan Respublikası qabaqcıl təhsil işçisi” döş nişanı, 20 müəllim “Azərbaycan Respublikası Təhsil Nazirliyinin Fəxri fərmanı” ilə təltif olunub.

Eləcə də səmərəli fəaliyyəti ilə fərqlənən 230 təhsil işçisi BŞTİ Həmkarlar İttifaqı Komitəsinin Fəxri fərmanı ilə təltif edilib.

Mənbə

Şərh yaz

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir