Xorvatiyada Zoran Milanoviç prezident seçkilərinin ikinci turunda qalib gəlib

Xorvatiyada Zoran Milanoviç prezident seçkilərinin ikinci turunda qalib gəlib

Xorvatiyanın müxalif Sosial Demokrat Partiyasının lideri Zoran Milanoviç prezident seçkilərinin ikinci turunda qalib gəlib.

 “RİA Novosti” xəbər verir ki, bunu ölkənin Mərkəzi Seçki Komissiyası açıqlayıb.

Dövlət başçısı postu uğrunda Milanoviç hazırkı prezident Kolinda Qrabar-Kitaroviçlə mübarizə aparır. MSK ölkədə və xaricdəki 6,5 mindən çox seçki məntəqəsində səs verən 3,855 milyon seçicini qeydiyyata alıb. 24 mindən çox yerli və xarici müşahidəçi səsvermə prosesini izləyib.

“Seçici məlumatlarının 98,73%-nin işlənməsi nəticələrinə görə, Milanoviç 1 milyon 19 min səs, Qrabar-Kitaroviç isə 915,4 min səs toplayıb”, – deyə komissiyanın məlumatında qeyd olunub.

Xorvatiyanın xarici və daxili siyasətinin müəyyənləşdirilməsi, konstitusiyaya əsasən, hökumətə aiddir. Prezident daha çox nümayəndəlik funksiyasını yerinə yetirir və beş il müddətinə seçilir.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir