Koronavirusun yayıldığı bölgələrdə 7 azərbaycanlı tələbə var

 

Koronavirusun yayıldığı bölgələrdə 7 azərbaycanlı tələbə var

Bunu Təhsil naziri Ceyhun Bayramov bu gün keçirdiyi mətbuat konfransındabildirib. Onun sözlərinə görə, hazırda Çində ümumilikdə 500-ə yaxın azərbaycanlı tələbə təhsil alır. Dövlət xətti ilə təhsil alan tələblərin sayı isə 62 nəfərdir. Koronavirusun yayıldığı bölgələrdə 7 tələbəmiz var:

“Təhsil Nazirliyi Xarici İşlər Nazirliyi və Çindəki Azərbaycan səfirliyi ilə daim əlaqə saxlayır. Həmin tələbələrlə səfirlik vasitəsilə əlaqə saxlanılır. Bizdə olan məlumata görə, 50-dən artıq ölkə öz vətəndaşlarını çıxartmaq üçün Çinə müraciət edib. Bizim də Xarici İşlər Nazirliyindən əldə etdiyimiz məlumata əsasən, bu gün Çin Xarici İşlər Nazirliyində iclas olacaq. Ondan sonra açıqlama veriləcək  ki, Çin tərəfi hansı növbəti addımları atmağı planlaşdırır. Buna dair açıqlama olduqdan sonra növbəti addımlar atılacaq. Biz bunu diqqətdə saxlayırıq”.

Son məlumatlara görə, Çində koronavirusun 2019-nCoV növündən həyatını itirənlərin  sayı 80 nəfərə çatıb, virusa yoluxanların sayı 3 minə yaxınlaşır.

Şərh yaz

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir