Azərbaycan Dövlət Turizm Agentliyinin yaydığı məlumata görə, bu gün açılan EMİTT 2020 – Şərqi Aralıq dənizi Beynəlxalq Səyahət və Turizm Sərgisində ölkəmiz də təmsil olunur. Tədbirin təşkilatçıları Dövlət Turizm Agentliyi və Azərbaycan Turizm Bürosudur.
Fevralın 2-dək davam edəcək sərgi çərçivəsində Türkiyəni və digər iştirakçı ölkələri təmsil edən turizm şirkətləri ilə B2B (Biznesdən-biznesə) formatlı görüşlər keçiriləcək və əməkdaşlıq imkanları qiymətləndiriləcək.
Azərbaycan Turizm Bürosunun Baş İcraçı Direktoru Florian Zenqstşmid qeyd edib ki, Türkiyə Azərbaycan üçün prioritet bazardır və bu ölkədən gələn vətəndaşlar sayı Azərbaycana gələnlər arasında ilk pillələrdədir.
O qeyd edib ki, önəmli məsələlərdən biri bu ilin iyun ayında futbol üzrə “AVRO-2020″nin final mərhələsinin qrup oyunları çərçivəsində Türkiyə yığmasının ilk 2 matçının Azərbaycanda oynayacağıdır. Bu oyunların Bakıda keçirilməsi türkiyəli turistlərin Azərbaycana bir daha baxmaları üçün gözəl fürsət olacaq.