AzMİU-da PBL metodunun tətbiqi ilə bağlı seminar keçirilib

Azərbaycan Memarlıq və İnşaat Universitetinin (AzMİU) Strateji inkişaf üzrə prorektoru Ülkər Səttarova universitetdə ingilis dilində dərs deyən müəllimlər üçün “Problem-based learning (PBL)” metoduna həsr olunmuş seminar keçirib.

Seminarda müxtəlif kafedralardan 25-ə yaxın müəllim iştirak edib.

Ü.Səttarova təlimdən əvvəl qeyd edib ki,  seminarın əsas məqsədi müəllimlərin bu metodu yaxşı öyrənərək bir semestr ərzində öz fənnlərini həmin metodla tədris etmələrinə nail olmaqdır. Seminarda müəllimlərə PBL metodunun əyani tətbiqini əks etdirən video da nümayiş olunub. Ümumi təqdimatdan sonra yeni metodla bağlı suallar verilib, qarşılıqlı fikir mübadiləsi aparılıb.

Məlumat üçün onu da qeyd edək ki, “Problem-based learning (PBL)” metodunu ən yaxşı tətbiq edən iki müəllim xaricə ezam olunacaq.


Mənbə: AzMİU

Şərh yaz

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir