Tbilisidə "Xocalıya ədalət", "İşğala yox!" aksiyası keçirilib

 Tbilisidə Xocalı soyqırımını tanıtım aksiyası keçirildi - FOTO

Gürcüstanın paytaxtı Tbilisidə Xocalı faciəsinin 28-ci ildönümü ilə bağlı tanıtım aksiyası keçirilib.

Aksiyada “Xocalıya ədalət” yazılı jiletlər geyinən azərbaycanlı gənclər şəhər sakinlərinə Xocalı qətliamı, Dağlıq Qarabağ münaqişəsinin tarixi və işğal altında olan rayonlar barədə məlumatların əks olunduğu gürcü dilində hazırlanan broşürlər paylayıblar.

Tbilisinin mərkəzində keçirilən aksiyada Gürcüstan ərazilərinin işğal faktına da diqqət çəkilib, ingilis və gürcü dillərində “İşğala yox!” şüarı səsləndirilib.

Maarifləndirmə aksiyası Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq təşviqat kampaniyasına dəstək məqsədi daşıyıb.

Aksiya çərçivəsində kamançada həzin musiqilər ifa olunub, iştirakçılar Azərbaycan, gürcü və ingilis dillərində “Xocalıya ədalət!” şüarı səsləndiriblər.

Aksiya Tbilisidəki Mirzə Fətəli Axundov adına Azərbaycan Mədəniyyəti Mərkəzinin təşəbbüs və dəstəyi, “Azərkitab” Kitab Mərkəzi və Gürcüstanın azərbaycanlı gənclərinin təmsil olunduğu Millətçi Gənclər Təşkilatının təşkilatçılığı ilə keçirilib.

 

Şərh yaz

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir