İrandan qayıdan Ermənistan vətəndaşında ilk yoluxma qeydə alınıb

 Ermənistanda koronavirusa ilk yoluxma qeydə alındı

Ermənistana İrandan gələn ölkə vətəndaşında ilk dəfə koronavirusa yoluxma halı qeydə alınıb.

Bu barədə TASS xəbər verir.

Ölkənin Baş Naziri Nikol Paşinyan özünün “Facebook”dakı səhifəsində ölkədə koronavirusa yoluxma hadisəsinin qeydə alındığını təsdiqləyib.

“Təəssüf ki, təxminən 2 saat əvvəl biz koronavirusa ilk yoluxma haqqında bildik. Pasiyentin 29 yaşı var. O, fevralın 28-də xanımı ilə İrandan gəlib”, – öz səhifəsində yazıb.

Qeyd edək ki, 4 gün əvvəl Ermənistan hökuməti yanında səhiyyə və əməyin müfəttişi orqanının rəhbəri Akop Avakyan bildirib ki, ölkədə onlarla insan koronavirus xəstəliyi şübhəsi ilə xəstəxanaya yerləşdirilib. Onun dediyinə görə, 36 nəfər koronavirus şübhəsi ilə xəstəxanaya aparılıb. A.Avakyan xaricdən gələn ermənilərin hava limanlarında nəzarətə götürüldüyünü, bu istiqamətdə ölkənin Xarici İşlər Nazirliyi və digər dövlət orqanları ilə əməkdaşlıq etdiklərini açıqlayıb.

A.Avakyan  xəstəxanaya yerləşdirilmiş şəxslərin neçəsində koronavirusun qeydə alındığını isə deməyib.

Şərh yaz

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir