İran Səhiyyə Nazirliyinin sözçüsü Kiyanuş Cahanpur martın 7-də jurnalistlərə açıqlamasında ölkədə koronavirus qurbanlarının yeni statistikasını açıqlayıb.
O deyib ki, son bir sutka ərzində ölkədə daha 1076 nəfərin virusa yoluxması aşkarlanıb:
Dünən günorta saatlarından daha 21 nəfər virusdan həyatını itirib. Beləliklə də, ölkədə virusa yoluxanların sayı bu günə qədər 5823-ə, xəstəlikdən ölənlərin sayı isə 145 nəfərə yüksəlib”.
Ölkə əyalətlərində xəstəliyə yoluxanların sayına gəldikdə, ümumilikdə bu günə qədər:
- 1539 nəfər Tehranda,
- 668 nəfər Qumda,
- 494 nəfər Gilanda,
- 484 nəfər İsfahanda,
- 305 nəfər Əlbürzdə,
- 606 nəfər Mazandaranda,
- 265 nəfər Mərkəzi əyalətdə,
- 178 nəfər Qəzvində,
- 138 nəfər Simnanda,
- 162 nəfər Gülüstanda,
- 135 nəfər Rəzəvi Xorasanda,
- 95 nəfər Farsda,
- 107 nəfər Loristanda,
- 77 nəfər Şərqi Azərbaycanda,
- 64 nəfər Xuzistanda,
- 81 nəfər Yəzddə,
- 52 nəfər Zəncanda,
- 44 nəfər Kürdüstanda,
- 41 nəfər Ərdəbildə,
- 31 nəfər Kirmanşahda,
- 4 nəfər Kirmanda,
- 34 nəfər Həmədanda,
- 34 nəfər Sistan-Bəlucistanda,
- 30 nəfər Hormozqanda,
- 18 nəfər Cənubi Xorasanda,
- 23 nəfər Şimali Xorasanda,
- 16 nəfər Çaharmahal Bəxtiyaridə,
- 15 nəfər İlamda,
- 33 nəfər Qərbi Azərbaycanda,
- 6 nəfər Kohkiluye və Boyer Əhməddə,
- 8 nəfər isə Buşehr əyalətində koronavirusa yoluxub.
Qeyd edək ki, İran Səhiyyə Nazirliyi ölkədə virusdan ölənlərin sayının 145-ə, yoluxanların isə sayının 5823 nəfərə çatdığını bildirsə də, İranın tibb mərkəzlərində çalışan qeyri-rəsmi mənbələr, virusdan ölənlərin və yoluxanların sayının qat-qat çox olduğunu bildirirlər.
Həmin mənbələrin dediyinə görə, İran rejimi ölənlərin sayını azaltmaqla, virusla mübarizədə öz səriştəsizliyini, ölkədə baş verən insani faciənin dəhşətli miqyasını xalqdan və dünyadan gizlətməyə çalışır.
Mənbə: GünazTv