Birləşmiş Millətlər Təşkilatının (BMT) xüsusi məruzəçisi Tom Endryus Myanmada nümayişçilərin ölkənin hərbi qüvvələri tərəfindən gülləboran edilməsini qınayaraq bunu “kütləvi qətl” kimi səciyyələndirib.
Bu barədə Almaniyanın DW informasiya resursu məlumat verib.
O, Myanma hərbçilərinin Silahı Qüvvələr Günü silahlarını ölkə boyu öz vətəndaşlarına qarşı yönəltmələrinə, insanları, o cümlədən uşaqları öldürməsinə dünyanın fərqli münasibət göstərməsinə də diqqət çəkib:
İndi sual olunur ki, beynəlxalq birlik hansı mövqedədir. Bəzi ölkələr sözün əsl mənasında Myanmadakı öz xalqına silah çevirən xunta rejimini dəstəkləyir. Bəziləri köçürülərək təkrarlanan başsağlığı ifadə edir. Digərləri dağınıq, koordinasiya olunmayan hərəkətlər təklif edirlər. Kim isə sadəcə susur.
deyə sitəm edən Tom Endryus dünyanı ciddi və koordinasiyalı fəaliyyətə çağırıb.
Beynəlxalq ekspert Myanmadakı hadisələrə BMT-nin Təhlükəsizlik Şurasının münasibət bildirməsi alınmırsa, təcili növbədənkənar beynəlxalq sammit çağırılmasını təklif edib.
Tom Endryus konkret təkliflər də verib. Onun fikrincə,
- Myanmada xalqı qorumaq üçün hərbi xuntanın ölkənin maliyyə fondlarından istifadəsinə yol verilməməlidir.
- Güc orqanları ikili təyinatlı silah və texnologiyalardan məhrum edilməlidir.
- Dəhşətli əməllərə və qətllərə görə məsul şəxslər barəsində tədqiqat başlanılmalıdır.
Xatırladaq ki, dünən – martın 27-də Myanmada Hərbi Qüvvələr Günü əhali küçələrə etiraz yürüşünə çıxıb. Hərbi çevrilişlə ölkədə bir müddətdir hakimiyyəti ələ keçirmiş xunta nümayişçilərə odlu silahdan atəş açıb. Nəticədə uşaqlar da daxil 100 nəfər güllələnib.
“Reuters”in məlumatına görə, çevriliş günündən indiyədək Myanmada 400 mülki vətəndaş öldürülüb.
Ötən gecə 12 ölkənin imzaladığı birgə bəyanatda Myanma təhlükəsizlik qüvvələrinin dinc əhaliyə qarşı silah işlətməsini kəskin qınanılıb.
Qeyd edək ki, dünən Myanmada keçirilən hərbi paradda Rusiya hərbçiləri də iştirak edib. Myanmanın baş komandanı paraddakı çıxışında Rusiyanı “Myanmanın əsl dostu” adlandırıb.
Xatırladaq ki, Myanmada hakimiyyət bu il fevralın 1-də devrilib. Hərbçi çevrilişlə hakimiyyəti ələ keçirən hərbçilər ölkədə bir il müddətin fövqəladə vəziyyət elan edib həbslərə, repressiyaya başlayıblar.
Daha bir xatırlatma: Myanmada 1962-ci ildən on illər boyu hərbi diktatura hökm sürüb. Vətəndaş cəmiyyətinə keçid, “demokratikləşmə” 2011-ci ildən başlayıb… Və 10 il sonra yenidən ölkədə hərbi çevriliş baş verib.
Hərçənd, bu “yenidənqurma” illərində – 2017-ci ildə Myanmada müsəlmanlara qarşı dəhşətli soyqırımı törədilib: yüzlərlə müsəlman dini mənsubiyyətinə görə vəhicəsinə qətlə yetirilib. 250 mindən çox müsəlman zorakılıqdan canını qurtarmaq üçün Myanmadan qaçmaq məcburiyyətində qalıb…
