Azərbaycan taekvondoçusu Minayə Əkbərova Bolqarıstanın paytaxtı Sofiyadakı Avropa çempionatında yarımfinala yüksəlib.
46 kq-da mübarizə aparan idmançı 1/4 finalda bolqarıstanlı Qabriele Katsarovaya qalib gələrək növbəti raunda vəsiqə qazanıb. Görüşün əsas vaxtı heç-heçə sona çatıb – 2:2. Əlavə vaxtda 2:0 hesablı qələbə qazanan taekvondoçu ən azı bürünc medalı özü üçün təmin edib.
M.Əkbərova yarımfinalda rusiyalı Larisa Medvedeva ilə qarşılaşacaq.
Qeyd edək ki, Minayə Əkbərova 1/8 finalda Almaniya təmsilçisi Özlem Gürüzü mübarizədən kənarlaşdırıb.
Mənbə: Report
