OPERATİV QƏRARGAH MƏLUMAT VERİR:
Azərbaycan Respublikasında koronavirus (COVID-19) infeksiyasına 2206 yeni yoluxma faktı qeydə alınıb, 1578 nəfər müalicə olunaraq sağalıb.
COVID-19 üçün götürülən analiz nümunələri müsbət çıxmış 35 nəfər çox təəssüf ki, vəfat edib.
İndiyədək ümumilikdə 281 min 387 nəfər koronavirus infeksiyasına yoluxub. Yoluxanlardan 247 min 459 nəfər müalicə olunaraq sağalıb, 3846 nəfər vəfat edib. Aktiv xəstə sayı 30 min 082 nəfərdir.
Ölkədə son sutka ərzində 12 min 692, hazırkı dövrədək isə 2 milyon 990 min 285 test müayinəsi aparılıb.
