Futbol üzrə Azərbaycan Premyer Liqasında XXII turun daha bir oyunu keçirilib.
“Report”un məlumatına görə, “Zirə” evdə autsayder “Keşlə” ilə qarşılaşıb. Görüş qolsuz heç-heçə ilə sona çatıb.
Bu nəticədən sonra xallarını 32-yə çatdıran meydan sahibləri 3-cü pillədə mövqeyini qoruyub. Qonaqlar isə 19 xalla sonuncu sırada qalıb.
Tura bu gün saat 19:15-də başlayacaq “Qarabağ” – “Sumqayıt” matçı ilə yekun vurulacaq.
Qeyd edək ki, ötən gün keçirilən görüşlərdə “Qəbələ” evdə “Neftçi” ilə 2:2, “Sabah” isə “Səbail”lə 0:0 hesablı heç-heçəyə razılaşıb.
