Perunun Parobamba rayonunda ağır yol qəzası baş verib.
“Report”un məlumatına görə, bu barədə yerli bələdiyyə orqanı feysbukda bildirib.
Məlumata görə, sərnişin avtobusu yoldan çıxaraq aşıb. Hadisə nəticəsində azı 20 sərnişin həlak olub.
“Qəza nəticəsində 18 nəfər hadisə yerindəcə həlak oldu“, – xəbərdə bildirilir.
Qeyd edilir ki, hadisə zamanı xəsarət almış daha iki nəfər xəstəxanaya aparılarkən yolda keçinib. Qəza nəticəsində 14 nəfər xəsarət alıb.
