UEFA Çempionlar Liqasının 1/4 finalının cavab görüşündə “Liverpul” “Real Madrid”lə heç-heçə oynayıb.
“Report” xəbər verir ki, görüş Liverpulun (İngiltərə) “Enfild” stadionunda keçirilib və 0:0 hesabı ilə qurtarıb.
“Real Madrid” 14-cü dəfə Çempionlar Liqasının yarımfinalında çıxış edəcək. Bu, yarış tarixində ən yaxşı göstəricidir. “Barselona” və “Bavariya” kimi ən yaxın təqibçilər Çempionlar Liqasının yarımfinalında 12 dəfə oynayıblar.
UEFA Çempionlar Liqasının 1/4 finalının “Real Madrid”lə “Liverpul” arasındakı birinci görüşü aprelin 6-da Madriddə (İspaniya) keçirilib və İspaniya komandasının 3:1 hesablı qələbəsi ilə sona çatıb.
