Sərbəst güləşçimiz Osman Nurməhəmmədov Polşanın paytaxtı Varşavada keçirilən Avropa çempionatında bürünc medal qazanıb.
Çempionatda 92 kiloqram çəki dərəcəsində mübarizə aparan güləşçimiz
- ilk görüşdə alman idmançı Robin Ferdinand üzərində inamlı qələbə qazanıb.
- 1/4 finalda Bolqarıstan güləşçisi Axmed Maqamayevdən üstün olub.
- Yarımfinalda isə Rusiya təmsilçisi Maqomed Kurbanova məğlub olub.
- Bürünc medal uğrunda görüşdə ukraynalı Andril Vlasovla qarşılaşan Osman Nurməhəmmədov xalçadan qalib ayrılıb və Avropa çempionatını üçüncü pillədə başa vurub.
Qeyd edək ki, daha əvvəl millimizin üzvlərindən Turan Bayramov (70 kq) gümüş, Əfqan Xaşalov (57 kq) və Əli Rəhimzadə (65 kq) isə bürünc medala sahib olublar.
