“Böyük yeddilik” – G7 ölkələri Rusiyanın təbliğat və dezinformasiyalarına qarşı çevik cavab mexanizmi hazırlamaq niyyətindədir. Bununla bağlı G7 təkliflərə baxacaq.
Bu barədə Böyük Britaniyanın xarici işlər naziri Dominik Raab “Reuters” agentliyinə müsahibəsində danışıb.
Nazir bu il G7-də sədrlik edən Britaniyanın klub üzvlərini Rusiyanın apardığı təbliğata qarşı effektli mübarizəyə çağıracağını bəyan edib:
Yalan və saxta xəbərlərdən ibarət təbliğat aparıldığını görən zaman biz cavab vermək və təkcə öz ölkəmizdəki yox, Rusiyadakı, Çindəki, yaxud dünyadakı insanlara doğruları söyləmək üçün təkbaşına deyil, birlikdə hərəkət etməliyik”.
Mənbə: DW
