Kişi voleybolçulardan ibarət Azərbaycan millisi 2021-ci il Avropa çempionatının seçmə mərhələsində mübarizəyə başlayıb.
“Report”un məlumatına görə, komanda F qrupunda ilk oyununu Monteneqro seçməsinə qarşı keçirib.
Yığma Gürcüstandakı görüşdə rəqibinə 1:3 hesabı ilə uduzub. İlk set rəqibin 25:23 hesablı qələbəsi ilə bitib. İkinci setdə 25:21 hesabı ilə məğlub olan yığma, üçüncü setdə rəqibinə qalib gəlib – 25:21. Dördüncü set Monteneqronun xeyrinə sona çatıb – 25:15.
Qrupun digər qarşılaşmasında Gürcüstan Yunanıstanla görüşəcək.
Qeyd edək ki, Azərbaycan millisi növbəti oyununu mayın 8-də Gürcüstana qarşı keçirəcək.
