Bu gündən ölkə ərazisində ictimai nəqliyyat işləməyəcək

Bu gündən etibarən Ramazan bayramı ilə əlaqədar bütün ölkə ərazisində ictimai nəqliyyatın fəaliyyəti 1 həftə müddətində dayandırılıb.

Bu barədə Operativ Qərargah müvafiq qərar qəbul edib.

Qərara əsasən, 9 may saat 00:00-dan 16 may saat 06:00-dək ölkə ərazisində ictimai nəqliyyatın fəaliyyəti dayandırılıb.

Qeyd edək ki, Operativ Qərargahın qərarına əsasən, Azərbaycan ərazisində iş və istirahət günlərinin ardıcıllığını təmin etmək məqsədilə 2021-ci ilin 11 və 12 may iş günləri ilə müvafiq olaraq 8 may və 16 may istirahət günlərinin yerləri dəyişdirilib. Bununla da Ramazan bayramı günləri də daxil olmaqla mayın 9-dan 15-dək qeyri-iş günləri olacaq. İş həftəsi mayın 16-dan başlayacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir