Mahir Emreli
“Qarabağ”ın futbolçusu Mahir Emreli Ağdam klubundan ayrılır.
“Report”un məlumatına görə, bu barədə komandanın baş məşqçisi Qurban Qurbanov “Neftçi”yə 0:1 hesabı ilə uduzduqları Azərbaycan Premyer Liqasının XXVIII tur matçından sonra mətbuat konfransında deyib.
49 yaşlı mütəxəssis bildirib ki, 24 yaşlı hücumçunun mövqeyinə yeni oyunçu tapmaq asan olmayacaq.
Qeyd edək ki, “Qarabağ”la müqaviləsi sona çatan Mahir Emrelinin Polşanın “Legiya” klubuna keçəcəyi gözlənilir.
