Azərbaycan güləşçiləri reytinq turnirinə Mahaçqalada hazırlaşır - VİDEO

Güləşçilərimiz reytinq turnirinə Mahaçqalada hazırlaşır

Azərbaycanın sərbəst güləş üzrə millisi Tokio-2020 Yay Olimpiya Oyunlarına hazırlığı davam etdirir.

Federasiyadan verilən məlumata görə, yığma mayın 17-dən baş məşqçi Namiq Abdullayev və böyük məşqçi Zəlimxan Hüseynovun rəhbərliyi altında Mahaçqalada təlim-məşq toplanışı keçir. Dağıstanda yerli güləşçilərlə birgə təşkil olunan hazırlıq prosesində Hacı Əliyev (65 kq), Hacımurad Hacıyev (74 kq) və Şərif Şərifov (97 kq) iştirak edir. Təlimlər həm fiziki, həm də taktiki-texniki hazırlıq üzrə çalışmaları əhatə edir.

Komanda 8 – 13 iyunda Polşanın paytaxtı Varşavada keçiriləcək “Poland Open” turnirinin startınadək Mahaçqalada məşqləri davam etdirəcək. Daha sonra isə reytinq turnirində iştirak etmək üçün sözügedən ölkəyə yollanacaq.

Qeyd edək ki, həmin yarışda Azərbaycanı təmsil edəcək yunan-Roma və qadın güləşçilər də ölkə xaricindədir. Qadınlar mayın 24-də Bolqarıstanda yerli komandayla birgə təlim-məşq toplanışına başlayıbsa, klassik güləşin nümayəndələri sabahdan Macarıstanda hazırlıq prosesinə start verəcək.

Şərh yaz

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir